Cotogrande celebra unha nova vitoria do Senior, que xa é líder.

A U.D. Santa Mariña asinou este domingo unha contundente vitoria por 7-0 ante o Gondomar F.B. en Cotogrande, nun encontro correspondente á sétima xornada de Segunda Futgal (Vigo), que permite ao conxunto vermello situarse como líder da competición.

O equipo saíu decidido a levar o peso do partido e axiña atopou recompensa. Javier Romero abriu o marcador no minuto 2 e, a partir de aí, apareceu a figura de Aimar González, protagonista indiscutible da tarde cunha actuación sobresaliente. O dianteiro asinou catro tantos (11', 18', 19' e 31'), demostrando unha vez máis a súa capacidade goleadora e o seu peso no xogo ofensivo do equipo.

Iago Martínez, no minuto 30, e Hugo Lobato, no 37, completaron a goleada nunha primeira metade na que o Santa Mariña deixou o encontro encamiñado cun contundente 7-0. Todos os tantos chegaron antes do descanso.

Máis alá do resultado, os tres puntos teñen un valor especial na clasificación. A vitoria permite ao Senior colocarse no primeiro posto, con dous puntos de vantaxe sobre o Celta 360, segundo clasificado.

Comezamos a semana no máis alto, pero o camiño continúa. O equipo afronta agora o reto de seguir traballando coa mesma ambición, compromiso e intensidade para defender un liderado que é froito do esforzo colectivo.



Semente Vermella. ❤️