Novo Departamento de Metodoloxía

Dende a U.D. Santa Mariña seguimos traballando para mellorar e seguir crecendo como club. Por iso, este ano decidimos dar un paso máis coa creación do Departamento de Metodoloxía, que estará liderado por Pisco Alonso.

Este departamento nace cun obxectivo moi claro: dotar aos nosos adestradores de máis e mellores ferramentas para desenvolver o seu traballo, axudándolles a seguir formándose e a mellorar día a día.

Queremos que todos os nosos equipos, independentemente da categoría, traballen seguindo una mesma liña de formación, cuns criterios e unha filosofía común. Isto non significa que todos os equipos vaian traballar exactamente igual, xa que cada idade e cada grupo ten as súas propias necesidades, senón que exista unha base común que identifique a forma de traballar do Santa Mariña.

Pero, sobre todo, este proxecto ten un obxectivo fundamental: mellorar aos nosos nenos e nenas de maneira individual.

Queremos que cada xogador poida evolucionar ao seu ritmo, potenciar as súas calidades, corrixir aqueles aspectos nos que necesite mellorar e, sobre todo, disfrutar do fútbol mentres adquire coñecementos e valores que lle axuden tanto dentro como fora do campo.

A metodoloxía será unha ferramenta de apoio para os nosos adestradores, pero tamén un compromiso do club coa formación dos nosos xogadores. Cremos que canto mellores ferramentas teñan os nosos adestradores, mellor será a formación que reciban os nosos nenos.

Este é un paso máis dentro do proxecto de crecemento da U.D. Santa Mariña, apostando por unha canteira cada vez máis preparada, organizada e cunha identidade propia.

Porque formar non é só ensinar a xogar ao fútbol, é axudarlles a crecer.

#Semente_Vermella