A U.D. Santa Mariña pon en marcha a tempada 2026-2027

A U.D. Santa Mariña xa está preparada para iniciar unha nova tempada cargada de ilusión, traballo e novos retos. O club dá a benvida á campaña 2026-2027, un curso no que centos de xogadores e xogadoras volverán vestir con orgullo as cores vermella e azul para continuar medrando dentro e fóra do terreo de xogo.

A pretempada de Fútbol 11 marcará o punto de partida dun novo ano de aprendizaxe, compromiso e competitividade, mantendo intacta a filosofía que identifica á nosa entidade desde hai case oito décadas: formar persoas e futbolistas baixo o espírito da nosa Semente Vermella.

O calendario de incorporación dos equipos será o seguinte:

 Luns 3 de agosto

• Infantil A - 19:30h
• Infantil B - 19:30h
• Senior - 21:30h

Martes 4 de agosto

• Cadete A - 19:30h
• Cadete B - 19:30h 
• Cadete C - 19:30h
• Xuvenil A - 19:30h
• Xuvenil B - 19:30h

Luns 10 de agosto

• Infantil C - 19:30h

Durante as próximas semanas, os diferentes equipos comezarán a preparar unha tempada apaixonante, combinando adestramentos, encontros amigables e o traballo necesario para chegar nas mellores condicións ao inicio das competicións oficiais.

Pola súa banda, nos próximos días daranse a coñecer as datas de inicio dos adestramentos das categorías de Fútbol 8, para que xogadores, familias e afección poidan organizar o comezo da nova campaña.

Desde a U.D. Santa Mariña queremos dar a benvida a todos os xogadores, familias, adestradores, coordinadores, voluntarios e afección que forman parte desta gran familia. O voso compromiso e apoio son fundamentais para seguir facendo crecer este proxecto deportivo e humano.

Comeza unha nova historia. Comeza unha nova tempada.

Benvidos á tempada 2026-2027.

Semente Vermella. ❤️🤍