U.D. SANTA MARIÑA
Miguel Sánchez, novo adestrador do sénior xunto ao Director Deportivo Jonathan Pereira e José Antonio Suárez, Coordinador de Fútbol 11.
A xornada de onte foi un día de grandes emocións para o noso club, xa que tivo lugar a presentación oficial do corpo técnico do equipo Sénior para a tempada 2025-2026.
O novo proxecto dirixido por Miguel Sánchez e David Álvarez (Pelón) dará comezo nunha tempada chea de retos e ilusións, na que, tras o descenso, o noso equipo competirá na Segunda Rexional, cun obxectivo claro: voltar á Primeira Rexional.
Miguel Sánchez, que foi presentado como o novo adestrador principal do equipo, mostrou o seu compromiso e ilusión co proxecto, afirmando que “montaremos un proxecto con moita ilusión e moito traballo”. Con ampla experiencia no mundo do fútbol, Miguel formou parte do noso club na tempada 2024-2025 como segundo adestrador do Xuvenil "A" e chega ao equipo Sénior cunha bagaxe importante en equipos de prestixio da nosa cidade.
David Álvarez, mellor coñecido no club como Pelón, será o segundo adestrador e tamén ten un longo percorrido nas categorías inferiores do club, onde dirixe o Cadete "A" dende os seus inicios.
A súa implicación co club e o seu coñecemento das categorías de formación son fundamentais para o desenvolvemento e a proxección dos xogadores máis novos.
Unha das principais prioridades do novo corpo técnico será dar oportunidades á cantera do club, permitindo que xogadores das categorías inferiores teñan un lugar na plantilla do equipo Sénior e poidan continuar a súa evolución despois da súa etapa no xuvenil. Este enfoque tamén reflicte a aposta polo futuro do club e a súa formación desde as bases.
Desde o club, temos plena confianza no equipo de traballo que se forma con Miguel e Pelón. A súa experiencia e coñecemento do fútbol local son garantía de éxito para afrontar o desafío desta tempada.
Con xente do club á fronte e co apoio da afección, este proxecto promete ser unha das grandes esperanzas do noso deporte local.
SEMENTE VERMELLA!
