O UD Santa Mariña súmase ao proxecto Save Football: compromiso co fútbol base e coa formación en valores.

Desde o UD Santa Mariña temos a satisfacción de anunciar que o noso club se uniu a SAVE FOOTBALL, o primeiro selo de calidade que busca crear unha gran Comunidade Educativa a través do fútbol base. Esta adhesión supón un paso máis no noso compromiso non só co rendemento deportivo, senón tamén coa formación humana de todos os que formamos parte do club.

Que é SAVE FOOTBALL?

SAVE FOOTBALL nace coa misión de transformar o fútbol base nunha ferramenta de cambio social, promovendo unha educación en valores que sirva de base para a sociedade do futuro. O seu obxectivo é claro: situar a España como un país pioneiro e referente na protección do menor e na formación integral de todos os axentes do fútbol, de cara ao Mundial 2030.

Que achega este proxecto ao noso club?

Grazas a esta colaboración, o UD Santa Mariña contará con formación continua e integral tanto para pais como para adestradores, ofrecendo ferramentas prácticas e de calidade para construír un entorno máis san, empático e responsable.

Para os pais:

• Concienciación e autocrítica sobre o comportamento na bancada.
• Respecto e empatía cara o labor dos adestradores e do club.
• Ferramentas para acompañar mellor aos nenos no seu desenvolvemento emocional: xestión da frustración, expectativas, conflitos, etc.

Para os adestradores:

• Ferramentas para liderar con calidade humana.
• Autocrítica e reflexión sobre o seu papel como líderes.
• Protocolos de actuación ante casos de racismo, acoso escolar (bullying) e outras situacións.

No UD Santa Mariña cremos firmemente que o fútbol é moito máis ca un deporte: é unha ferramenta educativa e transformadora. Por iso, estamos orgullosos de formar parte de SAVE FOOTBALL e de contribuír a un modelo máis humanista e comprometido cos nosos nenos e nenas.

¡Seguimos medrando, dentro e fóra do campo!