Nunha tarde calurosa propia dun día casi máis de verán que de comezo do outono, presentouse en sociedade o libro do noso querido amigo Chema ante o numeroso público que se achegou ata o noso campo de fútbol.

Despois do acto de presentación dos membros que presidían a mesa por parte do actual presidente Xosé Carlos “Chato” − antigos presidentes, autoridades do Concello de Vigo e membros de diferentes asociacións de veciños de Cabral – comezou a cerimonia cun prólogo do Director de Edicións Xerais D. Manuel Bragado adicado ó fútbol modesto en xeral, e a U. D. Santa Mariña en particular.

A continuación, falou o Sr. Fernández Trigo, que foi lembrando un por un a quen máis colaborou na súa andaina, como o presidente da U. D. Santa Mariña.

O momento máis emocionante do acto que fixo asomar algunha bágoa pola grada foi o reencontro entre o Sr. Fernández Trigo e Formoso, xogador infantil da súa época que tivo que emigrar a EE. UU. con 15 anos, destacando despois no Cosmos de Nova York con figuras como Pelé, Beckenbauer, etc.

Tamén tivo o seu momento o ex-Presidente D. Humberto Gómez, que arengou contra as críticas destructivas que se estenden por certos sectores de moita influencia da parroquia de Cabral.

Xa para rematar, o noso amigo Chema manifestou o seu agradecemento a tódolos presentes por acudir ó evento, así como a todos os que colaboraron para facer posible a publicación do libro que nos reunía en Cotogrande.

A continuación, demos comezo ó segundo acto do día no local de oficinas: unha homenaxe a D. José Vilaboa, máis coñecido no mundo futbolístico como 'Hío'.

Este home, que está no clube desde os 15 anos (polo tanto son case 60 os adicados á súa paixón: o fútbol). Estivo de xogador, entrenador, directivo, e fixo practicamente de todo por sacar adiante a esta entidade que agora llo quere agradecer ofrecéndolle esta merecida homenaxe.

En primeiro lugar prodeceuse a descobrir a placa de granito no edificio de oficinas do clube e a continuación unha parella de xogadores obsequiou á muller do homenaxeado cun ramo de flores e posar coa sua familia para a posterirdade.

Despois foron os equipos onde militou os que lle fixeron entrega das súas lembranzas, Choco, Gran Peña, Rápido de Bouzas etc. Os representantes do Concello tamén lle entregaron o seu presente.

Logo das fotos de rigor e xa dentro da oficina, Chema comezou a firma de exemplares do seu libro mentres se desgustaba un viño galego á saúde do homenaxeado e o novo escritor.

Xa para rematar, está programada unha cea homenaxe a Hío o próximo 24 de outubro no Restaurante Seijo. Pasade pola oficina para máis información.

Grazas a todos por vir.